西式婚嫁資訊(6) 點解戒指要戴喺左手嘅無名指？

有冇諗過點解戒指要戴喺左手嘅無名指？如果戴右手又或者其他手指又可唔可以呢？原來當中都有個解釋架！

相傳古埃及人發現人類嘅左手無名指有一條纖細嘅神經係直接通去心臟，所以每當有情侶結婚就會將戒指戴喺左手嘅無名指，代表兩個人嘅心意相連，一生相愛！

而喺中古世紀嘅時候，新郎會將戒指輪流戴喺新娘嘅中間三隻手指上，意思代表︰聖父、聖子、聖靈三位一體，最後先會將戒指戴喺無名指上面，之後經過一直嘅流傳，已婚男女都會習慣將左手戒指戴喺左手嘅無名指。

Photo Credit︰Pinterest