傳統婚嫁資訊(14) 老一輩話盲年唔適合結婚？

聽過唔少輩話結婚緊係揀雙春兼閏月，盲年就唔好計劃結婚喇！而今年豬年亦都係屬於盲年，咁究竟盲年係咪真係唔可以結婚呢？另外除咗盲年之外，其實仲有咩日子係要特別注意呢？

盲年︰ 指果一年冇「立春」嘅日子，一般緊接「雙春」之後就係盲年。不過盲年亦都有吉日，並唔係成年唔適合結婚

節日︰避免喺農曆新年正月結婚，因為過年係大節，兩者會相衝。另外農曆三月同七月因為清明&孟蘭節嘅關係，陰氣比較重，都唔適宜嫁娶

三娘煞︰每月初三、初七、十三、十八、廿二、廿七都係三娘煞嘅日子，相傳月老同三娘不和，所以三娘日佢會刻意破壞新人嘅喜事，同月老作對

新人+親屬生日︰避開新人自己+雙方父母、未婚兄姐嘅生日。如果雙親已經過咗身，就需要避開佢哋嘅生忌同死忌

紅白相衝︰每個家庭都要避免同年內舉辦2次婚禮，如果家中有直系親屬過身，果一年就不宜辨喜事