西式婚嫁資訊(2) 女仔出嫁前告別單身嘅活動—Bridal Shower

Bridal Shower就係準新娘會同班好姊妹舉行一個婚前聚會，過程會一齊傾吓計、食下野、向新娘送禮物、又或者玩遊戲等等，為結婚前留下一個美好嘅回憶！

但係大家又知唔知Bridal Shower嘅由來呢？

其實係源於荷蘭嘅17世紀，有一個女仔同一個非常窮困嘅磨坊工人相戀於是計劃結婚，可惜個女仔嘅父親並唔支持呢段婚姻，而且仲反對女兒同磨坊工人嘅婚事，喺父親唔同意嘅情況底下，果個女仔依然決定要同呢位磨坊工人結婚，於是乎個女仔出嫁前係冇任何嘅嫁妝同金錢支援。正當佢地為呢個問題而煩惱嘅時候，佢地班朋友就聚集埋一齊送上佢地婚禮上所需嘅用品幫助佢地完成婚事，呢個就係Bridal Shower原形喇，後來先慢慢演變成今日輕鬆愉快嘅聚會！

Photo Credit︰Pinterest