結婚資訊(47) ★ 婚禮迎賓+娛樂+回禮懶人包 ★ 一萬元BUDGET無難度！

為咗準備一個難忘又特別嘅婚禮，一對準新人必定想樣樣細節都親力親為，但係同時又要錫住個荷包。唔使咁頭痕！我哋為一對新人設計好一個懶人包，包哂婚禮迎賓、娛樂、回禮等用途嘅不同佈置設備，仲要加埋一萬元有找，保證符合你嘅婚禮預算，為你塑造一個難忘豐富嘅婚禮！

(1) SOSnap Photobooth（$3,888 – $4,500）

SOSnap Photobooth 係一部Mini相片打印機，提供即時顯示同打印相片服務，可以盡情俾賓客享受自拍樂趣，亦可即時紀錄婚禮現場回憶。

SOSnap Photobooth同其他婚禮Photobooth最唔同嘅功能就係影相範圍不受地點限制，即係話新人同賓客可以係婚宴會場任何地方以手機拍照，並預先以手機app調整相片，再上傳到SOSnap Photobooth，仲可以寫上對新人嘅留言同祝福，又可以發揮創意又窩心！

另外，SOSnap Photobooth仲有一樣強大功能，就係可以實時投影網上相簿，一對新人只要善用酒店屏幕或電視，就可以將所有上載到SOSnap Photobooth嘅相片製成網上相簿，並即場係婚禮上投影，令賓客可以即時欣賞所有相片同祝福字句，增添現場氣氛！

(2) Candy Corner（$1,500 – $2,000 / 酒店已包）

越來越多新人選擇係婚禮場地加設Candy Corner，以精美嘅甜點糖果招待來賓，同時亦可當作場地特色裝飾，如果再加上精心嘅佈置，一定會成為受賓客歡迎嘅甜蜜角落！

唔少新人都覺得將喜糖同結婚相簿一次過放係接待處，既會引起擠塞混亂，又略嫌單調。而Candy Corner嘅出現就可以解決以上問題，建議新人可善用SOSnap Photobooth嘅印相佈置，鼓勵賓客將即時打印嘅相片掛係Candy Corner嘅背景裝置，打造一個立體相簿，令婚禮現場佈置更加豐富甜蜜！